重量級有力再上

不死鸟

自從衛韜禮及巫斯義兩位法籍好手早前先後離去，法國陣營剩低杜利萊及冼毅力支撐，而後者之前又停賽了一段日子，估唔到一批十磅仔異軍突起，成為一股新興勢力，且獲不少幕後人及馬主支持，座騎數目亦不少，表現有目共睹，陣上更經常串Q，信心票不比大師傅低，直情可與南非或澳系陣營抗衡。
講番法國兵團，冼毅力今季暫以26冠13亞與鄭雨滇併列第六位，較同鄉杜利萊僅少三場，但翻查冼毅力的勝出率為11.7％，上名率有25.1％，比杜、鄭為高，勝出率更拍得住第二位的柏寶，可見這位性格小生用心跑一場馬，搏殺功夫在港屬數一數二，單看上周日?場澳港盃已是例證之一。但翌日在港騎「威霸龍」及「萬能駒」就認真不敢恭維，應放而留，又再施展其最高境界的策騎方式——順其自然，賽前又真係估佢唔到，騎師兼具藝術家性格，幾難捉摸。
今次賽事此君共有五匹座騎，「盈駿寶」、「熊中雄」及「重量級」皆屬牌面馬，當中「重量級」同程五捷，季內四勝無跑P，上場三班一放而回，末段更彈離對手，評分未盡，原班再戰仍抽好檔，跑法主動故技重施再捷不難。