鄭俊偉泥地賽發「威」

猪拉多纳

　　大家若果不善忘，應記得鄭俊偉馬房上季泥地成績驕人，埋單計數獲十一W，榮膺泥地冠軍練馬師；與此同時，其勝出率為一成六，同是各倉之首！那麼來到今季，米高鄭的作風可有改變？暫時不得而知，惟他於泥地賽搏殺得心應手，卻是鐵一般事實，有謂捨難取易，更有謂食髓知味，故按照常理推斷，難得今晚跑八場全泥賽事，預期此倉必有異軍埋伏。

　　先講第四場「威駿寶」，上季中由高轉鄭廐，首兩個回合係威係勢，雖然屢拼不逞，卻打叠取得兩亞，可見馬房欲省靚招牌。上仗牠季內初出於谷草一哩跑第九，負於頭馬四乘許，走勢令人失望；不過，該役排檔差兼起步前跪，先機盡失下，落敗不能作準。今仗角逐泥地1650米，過往一戰同程落敗，惟這是上手馬房賽績，看此駒轉投鄭廐後，兩戰黏地俱入Q，所以有理由相信，此駒跑泥地賽亦掂！

　　尾場「光輝出擊」的往績以草地賽為佳，但其實泥地也不輸蝕，上季兩戰泥地1200米均入位，今仗身處二班，換來負磅輕飄飄，排六檔形勢亦妙，不無一放迄終機會，田泰安鍥而不捨，更加添幾分捧場信心。這匹八歲老馬長期被輕視，卻往往能展示神來之筆，不妨冷P當W賭。