千軍萬馬優勢復現

猪拉多纳

　　全泥夜賽，通常都係爆得甘，就算唔係場場冷到震，亦會好惡賭，總之，唔易贏到錢。所以，今晚買冷門以小博大，會係冇辦法之中辦法。

　　第二場三班1650米。「盈威勇士」置身1場水準極低場合，大部分對手冇根據，好多馬係靠估，佢就有晒往績支持，跑3場呢個路程，贏晒3場，仲要排到內檔，際遇唔使擔驚受怕，只要順利擺到前面，應該可以在前面返，賠率熱係美中不足。

　　第三場四班1200米。「千軍萬馬」轉馬房初出冇表現，因為直路賽唔多掂，唔可以作準。今次回到首本路程，情況完全唔同，雖然，隻馬已經好耐冇上名，亦因此，評分係咁減，在四班已重獲優勢，呢匹泥路好手隔晚十幾倍，1W2P，抵博。

　　第四場四班1650米。「齊喝采」又係泥地專家，上季尾展現回甦象，目前分數真係好數。話晒上季連場與三班馬「大有作為」交手，今場邊有呢類級數對手，如果唔係排外檔，風險冇咁大，依家則要視乎早段搵到咩位，同埋場地有冇得追，呢兩點係勝負關鍵。