華斯高戈亞斯吼半場和

猪拉多纳

場面冷清巴甲做主菜

國際賽過後今日場面異常冷清，唔計今朝啲波，周五早上馬會只得兩場巴甲賽事受注，渡邊年比較睇好華斯高對戈亞斯嘅半場和，至於尾場「二哥」保地花高作客維多利亞竟然有得受讓，下盤都幾好路o架。

老老實實，頭場玩半場和係因為有啲唔甘心，因為渡邊年連續兩場真金白銀投X咗有戈亞斯場次嘅半場和，點知呢兩場戈亞斯竟然半場贏埋，死唔信邪今場再追多次。

唔計啱啱呢兩場，戈亞斯對上九場有八次開半場和，數據非常強勁。今場對手華斯高近兩次主場都贏波，相信頂得兩咀，如果今次都唔開半場和，只能夠講小弟同隊波時辰八字唔係好夾。

（周五早上6時30分開賽）
維多利亞讓唔起保地花高

至於維多利亞經過兩連敗之後，上場終於贏波止跌，但對手只係聯賽下游嘅哥列迪巴，呢場賽績有疑點，今仗面對「二哥」保地花高邊有資格讓波，保地花高兩連勝狀態不俗，下盤穩陣。

（周五早上8時開賽）