上海先鋒換人有計

猪拉多纳

呂健威剛周三憑「時時攞彩」再添一W，心情甚佳，周日呂廐依然不乏惡馬，練者當然希望乘勝追擊，而他昨朝對第一場的「上海先鋒」就顯得特別重視。耙地過後，「上海先鋒」由梁家俊出試，威哥先走到窗邊向鞍上人交帶指示，講完之後馬上返回坐位，一手舉鏡一手打錶，（目及）實這匹戰馬的操練。
       
上海先鋒、呂健威

「上海先鋒」今課快跳兩段，威哥睇完二話不說，匆匆走落隧道底接馬，而且同梁家俊邊行邊傾，返到機坪仄完一輪，練騎依然雞啄唔斷，企埋一邊繼續話題。此駒上仗配韋達慢閘熱倒，今次換人再戰谷草，擺明有計。