筍盤益你:開心錢減夠分反彈

胜保罗

筍盤益你:開心錢減夠分反彈
 
賭馬除廐講馬匹實力同檔位形勢外，票數亦好重要，當然唔係話有飛落就實得手，但今季已一再證明呢類「聰明錢」成功率幾高，就知投注時要留意賠率變化。

好似出爭第五場嘅「開心錢」，今季先後十一次上陣，當中只得九月二十四日嗰場谷草千八米低過十倍，結果喺鄭雨滇胯下贏得季內首捷，足證幕後眼光準確。贏完跑九次只得一亞後，禮拜日終於再安排跑谷草千八米，評分較贏馬時仲低兩分，足證有能力反彈。

 既然「開心錢」季內贏馬嗰次負一三一磅，但仍以輕鬆姿態壓倒「騰雲駕霧」、「全勝福星」，今戰續配梁明偉負一三○磅問題不大，加上前領馬不多，排四檔出閘後亦應能順利貼欄操控步速。更重要係「開心錢」近兩仗大敗，臨場應火燒都唔熱，計落最啱呢個倉胃口，不妨一W兩P捧場。

自從史浩克04換咗領隊後，成班波表現的確好，既然仲要爭奪下季歐洲賽資格，相信今晚主場對科特布斯必定盡拼。目前史浩克04以四十三分排德甲第七，雖然冇得爭聯賽冠軍，但季後如排到第五，下季仲可以踢歐協盃，為名為利自然搏命，而且近兩戰亦贏波贏盤，證明夠晒正氣。

史浩克04主場贏得

科特布斯依家排尾二，再唔搶分就要降班，可惜作客成績極曳，今季十四戰只得兩勝四和，當中入十一球失二十四粒，就知冇乜爆冷條件。再細看往績，近三季兩隊五度交手，史浩克04贏四次之餘，科特布斯近五次作客鬥史浩克04亦全輸，好似上季就被大炒○比五，呢場一於博主隊至少贏兩球，推介讓球主客和主勝。