晨采減夠分反彈

猪拉多纳

　　今期日賽將會在跑馬地馬場舉行，過往谷草日賽不時有初跑此場地的馬報名。不過，由於這個場地彎急路窄，而且非常嘈吵，質新馬特別容易受影響，切勿太倚重此類初跑谷草馬。

　　第一口孖T頭關第三場四班1650米，呂廐「晨采」在港兩季雖未贏馬，但牠每次跑獲亞軍都在此程，肯定是一哩馬。惟上季五月開始，呂健威不斷為牠找新出路，試過跑短途谷草1200米，又試過增程至田草1800米，結果最叻都只在田草1200米獲殿。

　　今次「晨采」季內初出，終於肯回到最強路程谷草1650米上陣，上季初練者亦安排牠在此程作季內初出，當時評66分順利獲亞，僅負給頭馬「超綵」一個頭位。現時「晨采」減至47分，只要有狀態，點會冇得跑？雖然此駒曾於8月21日至8月24日缺課，但近期連試兩課大閘都有板有眼，已要留意。

　　尾關四班1000米，「海之濤」上季轉高廐初出，眼見牠狀態未夠，陣上仍交出不俗前速獲亞，熱過身即回贏馬路程，要贏唔難。