馬體會遇神殺神恰愛奴

猪拉多纳

馬體會今季開咧8連勝，與一哥巴塞並駕齊驅，有時踢波講道氣，馬體會砌低皇馬後氣勢咁勁，人氣射手迪亞高哥斯達弗到爆燈，加埋中場佐治高基突然開晒竅，頻頻送出靚助攻，依家邊隊遇到「床單兵團」都死路一條。今晚馬體會作客愛斯賓奴，愛奴已經連輸三場，其中上仗不敵升班球隊艾爾切最為肉酸，成班球員陷入信心危機，況且主力中場域陀辛捷士仲領紅要坐波監，實力受削，今仗頂唔住來勢洶洶嘅馬體會，客勝有1.6倍咪嫌少呀。