喜伯年受讓好路

猪拉多纳

賽事頻密小心名牌陷阱

經過周中國際賽期之後，周六、日各地聯賽又再戰火重燃，緊接嚟緊下周中又有歐聯及歐霸賽事上演，歐洲大會班球星都幾慘情，踢完太公波返到球會又要搏殺，真係氣都冇得抖，隨時影響佢哋發揮。喺呢段密密踢嘅時期，名牌球隊絕對係投X者陷阱，肥叔今周嘅投X策略非常簡單，就係主力反歐聯球隊啦！

今次睇中場蘇超賽事，班霸些路迪作客喜伯年，近年蘇超冇咗名牌球隊格拉斯哥流浪之後，形成些路迪一隊獨大局面，由於國內對手普遍都係冇乜料到，呢班波根本唔使太用力就可贏得聯賽冠軍，自然唔會太上心，隨時出現揀波踢情況。況且下周中又有歐聯賽事上演，些路迪今戰肯定唔會去盡，讓到球半實在有啲過火，呢場可博下盤！

（周六晚7時30分開賽）
哈化主場揾到食

至於德甲球隊哈化柏林就會喺主場對慕遜加柏，哈化今季踢落都幾對辦，主場發揮特別穩定，好少搏殺失手，今次遇上作客麻麻嘅慕遜加柏，贏面睇落都幾高，現時只係小讓平半，個盤都幾抵玩，呢隻上盤絕對博得過！

（有線61及64台周日凌晨零時30分直播）