皇龍大師 何澤堯又爆

猪拉多纳

何澤堯今季冷門頻有佳作，剛周三又有「大衛金剛」與「綠色寶」起孖，今期策六駒看似不太突出，但「皇龍大師」、「東成西就」等邊線分子，隨時又爆畀你睇。
       
皇龍大師上季於田草2200米取得在港至今唯一上名紀錄，今出戰谷草一哩，應不會惹飛。

何澤堯：隨着評分下調，「皇龍大師」上季尾演出漸趨穩定，估計今季將重踏升軌。雖然早前馬匹試閘名次較後，但其實末段走勢不差，追馬意識甚強，狀態有一定水準，埋門加戴防沙眼罩及頭罩快試，整體表現令我滿意，今次季內復出角逐谷中1650米，路程當然稍嫌短些少，憑新鮮感可望搭夠，配合一檔之助，爭勝機會樂觀。「東成西就」上季在伍廐成績理想，曾輕勝四班賽，升上三班形勢欠佳仍可入位，證明居此負輕磅具威脅力。上仗轉文廐初出，排位惡劣之餘且遇上意外，表現一般情有可原。今勻再戰谷中勝途，碰上「羅馬神駒」、「安琛」等當起分子，爭勝自然倍添難度，不過坐騎有好位及輕磅可恃，狀態亦具水準，隨時可施突襲。
       
何澤堯
安國倫：轉場勝算高

安國倫：「勝算高」今季居五班兩戰表現理想，上仗增程跑1400米末段追勢強勁，只是被頭馬「童夢」早着先機，力追不及而已，可見已接近勝利之門。今次轉爭谷中一哩，氣量相信不成問題，而場地適應亦不存障礙，皆因上季唯一一場谷戰追入第五，反映馬兒可應付細場急彎，且轉場上陣對手實力相對較弱，故此今仗有力爭雄。