怡勝衝刺勁強

猪拉多纳

　　昨晨是最後試跑期，出跳馬尚算不少，草地千八米開放供馬匹試跑或彈閘，惟只得四駒參與。

　　「怡勝」助手試四百米，以勁勢衝線，走來似模似樣，肌肉結實，老而彌堅。

　　「積多福」副練試四百米，緊韁下頭岳岳，步伐輕快，彈力充盈，勇況持續有餘。

　　「新妙星」韋達試四百米，體健神清，朝氣蓬勃，操養有一手。

　　「不老精英」助手試八百米，神生火旺，步伐穩健，體力冇問題。

　　「誠信寶駒」助手試四百米，清風送爽而回，饒富暗火，狀態攀升。

　　「業盛於和」黎海榮試八百米，按韁慢跑，步伐爽朗，神色勝前。

　　「好球」助手試八百米，身長步闊，雙目有神采，九分光景左右。

　　「一見鍾情」杜利萊試八百米，腳法頗熟，收身上力，脾氣改善，予人印象不差。

　　「歐洲駿馬」莫雷拉試八百米，貼欄疾馳，走勢順暢，體力已告復原。

　　錦繡河山蹄姿輕爽

　　「錦繡河山」潘頓試八百米，從容淡定，蹄姿輕爽，一切循序漸進，觀感頗佳。

　　「常開心」馬偉昌試八百米，走勢靈活，落腳有彈性，精神壯旺，勝後勇況未減。

　　「百威將領」韋達試八百米，胸口頗多白汗，出腳有力，精神比前集中，日益成熟。

　　「富貴榮華」賴維銘試八百米，力在口而不在腳，未達水準。

　　「幾叻仔」潘頓與「喜欣賞」田泰安及「比你高」韋達結伴在草地試八百米，前兩駒並肩領先，後駒落後些少跟隨，最後四百米「幾叻仔」擺脫對方糾纏，結果贏乘多而回，脾氣收斂，上勁起力，進步且勇；「比你高」輕輕推騎下趕上與「喜欣賞」同到，反應尚好，出腳挺勁，近況不差；「喜欣賞」末段衝刺平常，未惹好感。

　　「超皇鷹」莫雷拉在草地試八百米，按韁疾馳，轉銀禧彎仍未見有收慢之意，結果試足四段有多，可能是鞍上人未知操練規矩，馬身現線條，生氣勃勃，狀態初起。