馬賽背水戰大起拿玻里

猪拉多纳

歐聯F組另一場由馬賽主場對拿玻里，法甲馬賽「遇強即屈」，今季每逢遇勁旅都係輸波收場，今場被睇低一線，但考慮到佢哋兩場分組賽全敗，今仗再失分，出線機會將相當渺茫，背水一戰，應會豁出去一搏。拿玻里中前場人才濟濟，但防線傷兵嚴重，就算施展強攻壓倒對手，亦難保不失，寧願揀入球大。

（有線63台周三凌晨2時45分直播）

馬賽除咗歐聯不敵阿仙奴及多蒙特之外，喺聯賽亦輸畀摩納哥、巴黎聖日耳門，老實講，根本未夠班成為歐聯分子。不過，瀕臨出局邊緣，馬賽已經「冇嘢好輸」，今仗唔搏仲等幾時？預料教練比奧普會擺大個頭，出齊阿休兄弟及基格納，以三箭頭強攻對手，希望絕處逢生。
拿玻里後防有「計時炸彈」

拿玻里教練賓尼迪斯上仗意甲對羅馬正選收起希古恩，明顯留力今仗搏殺，其實除咗呢位阿根廷射手外，咸錫、彭迪夫及荷西卡利祖都係射得之人，賓帥手上大把進攻好牌，問題係兩位守將比斯圖及辛尼加因傷倦勤，艾比奧爾亦剛傷愈，狀態麻麻。保羅簡拿華路鬧離隊，上仗聯賽兩次犯錯，連累球隊輸畀羅馬，如果派佢上陣，反而係計時炸彈。拿玻里防線有隱憂，客W風險高，建議要大盤。