作客讓平半照捧魯賓卡山

猪拉多纳

聯合國兵團卡士高成班

英冠韋根喺今屆歐霸盃分組賽D組2戰未逢敗績睇落係威係勢，但查實佢哋根本係未遇強手。今晚喺第3輪分組賽，佢哋會遇上來勢洶洶嘅俄羅斯勁旅魯賓卡山，後者挾住歐戰9連勝氣勢來訪，陣中14國聯合國兵團卡士擺明高出唔止一班，足智彩魯賓卡山讓平半，力奇捧客軍1.9倍上盤！

（有線61及201周五凌晨3:05直播）
鐵三角搶鏡韋根等劏

韋根之前對住葡萄牙嘅馬里博爾同比利時嘅華雷根合共取得1勝1和，目前以4分排小組次席，表面睇的確唔曳，但睇番魯賓卡山對住呢兩個對手更係錄得兩戰全勝喪入9球，邊隊猛料啲根本唔使力奇多講。再者韋根家陣喺英冠都只能位處中游，陣中最巴閉都係得前英冠神射手格蘭荷特同前英格蘭國家隊門將卡臣，但憑佢哋質素，嚟到踢歐洲賽睇怕惡唔出樣。

魯賓卡山呢邊，上季喺歐霸盃8強次回合贏過車路士3:2，只係兩回合計都要輸4:5先飲恨出局，既然贏得車仔，點會怕你韋根先？力奇睇過呢班波陣容，連埋土炮俄羅斯兵，足足有14個國家球員喺度効力。就算話首席射手委內瑞拉箭頭荷西朗頓今晚養傷，中場仲有芬蘭快翼洛文艾利文高、法國防中馬維拿同以色列球星尼曹壓陣，呢個中場鐵三角今季表現搶鏡，韋根防線要守住佢哋好難囉！