阿積士歐聯衰完大翻身

猪拉多纳

阿積士周中歐聯不敵些路迪，三戰得一分，唔少人睇到呢啲數字，好易被誤導阿積士近況好曳，今場對華域克入球大細中位數仲要調高至3.5球，不理可否就揀細，但渡邊年就偏偏唔係咁諗，唔單只揀大，仲會小注波膽「主其他」添。
對華域克博主其他同5:1

阿積士喺荷甲其實超晒班，對住弱旅一向實食冇黐牙，華域克近九場只得兩和七負，邊係阿積士對手。大家亦唔使擔心阿積士會畀周中場歐聯打窒道氣，好似上個月尾，佢哋接連輸畀巴塞同燕豪芬0:4之後，再返聯賽主場都可以大炒伊高斯6:0，而且佢哋近年對華域克出現過三次5:1波膽，除咗玩大，「主其他」同「5:1」呢兩個波膽都可以試吓。