李斯特城心雄劫富濟貧

猪拉多纳

今個周中有唔少好戲碼，最注目係英聯盃「倫敦大戰」阿仙奴主場對車路士，雙方可以話勢均力敵，勝負隨時受其他突如其來「變數」影響，就好似前晚曼城門將赫特「忽然送禮」，呢種情況難以預測，今場好睇但難賭，寧向另一場英聯盃英冠李斯特城主場對英超富咸埋手。兩軍級數唔差好遠，低組別聯賽球隊越級挑戰往往鬥志仲旺盛，大部分莊家開李斯特城讓平半甚至半球，絕對有理，要上盤。

（周三凌晨3時45分開賽）

李斯特城班底唔錯，唔少球員有英超經驗，領隊皮雅臣亦係有料之人，令球隊攻守有秩，整體戰出色，屬升班熱門。李城現時應付英冠遊刃有餘，自然心雄對聯賽盃呢啲盃仔虎視眈眈，爭勝意欲毋需懷疑，加上對手富咸實力一般，李城球員心理上唔會輸蝕，可以一博。
莫帥求交代 紅魔盃仔照衝

另外曼聯喺英超落後太多，應會放更多力量爭盃賽，否則領隊莫耶斯好難交代，主場炒得起諾域治。西甲愛斯賓奴主場對馬拉加，主隊攻力曳，讓平半有暗湧，揀客軍下盤。