確叻迅谷草正斗

不死鸟

近呢一兩季，普羅馬迷見到「確叻」系馬無不搖頭嘆息，無他?，「確叻寶」先後爆過68和18倍冷W，「確叻星」贏親總有分頭，新近有「確叻準」大家抱�糇否R開齋的心態，結果又一次失望而返，慘到連位置都無，死未！「確叻迅」呢？無錯響澳洲輸過畀WEEKEND HUSSLER、LIGHT FANTASTIC等一流佳駟，來港至今卻是雷聲大雨點小，常跑三至五名而無實則威脅，相信已經趕走唔少客仔，此番轉戰谷中兼得韋達出手相助，話唔定又會有全新演繹。
各位有所不知，「確叻迅」來港前早有細場作賽經驗，初期響西摩、伊賽卡兩個馬場贏過馬，直路長度都唔夠400米，之後響費明頓和考菲爾德連番跑位置，證明本身唔係長衝程馬。再從血統方面搵線索，同父馬「勁爆力」在港四勝谷草1000米，是正牌短癮馬，退役馬「劍追風」和「贏得多」也曾於谷中勝出或上名，足證此系馬擅跑窄場，「確叻迅」易地謀突破，不妨追埋呢鋪。