咸史達斯首回合唔錫辛

猪拉多纳

瑞典超於剛過去周日煞科，排聯賽榜14位嘅咸史達斯將要同瑞甲季軍辛斯華爾踢兩回合附加賽，角逐來季瑞典超席位。今晚首回合先由辛斯華爾主場，阿King睇好今季聯賽作客不敗率逾七成嘅咸史達斯可以力保不失，捧讓球客勝。

（周四凌晨1時30分開賽）

辛斯華爾、咸史達斯連續兩季於附加賽碰頭，上季以甲組第三身份出戰嘅咸史達斯兩回合計以6比4擊敗辛斯華爾。雖然上季辛軍主場曾以3比2贏波，但要留意當時咸史達斯於首回合已經遙遙領先3比0，戰意稍有鬆懈不足為奇，今次換轉係首回合，相信咸史達斯會踢得較肉緊。咸史達斯季尾三場聯賽取得2勝1和，最後一仗未能擊敗布洛馬波卡納直接護級成功係可惜啲，不過能在兩次落後下追成平手，足證球員鬥心仍在，睇埋佢哋今季15場作客聯賽共取得4勝4和7負，有超過七成不敗率，今仗可望全身而退，1.85倍讓球客勝可捧。
國體會聖保羅「大」駁火

另外南球盃八強次回合，哥倫比亞國民體育會主場鬥巴西聖保羅，首回合聖保羅主場贏3比2，相信今場兩軍都會繼續駁火，捧大盤。最後美職季後賽東岸四強次回合，常規賽一哥紐約紅牛首回合於領先兩球下，被侯斯頓戴拿模逼和2比2，今返主場唔敢再大意，捧主W。