聖人戲貓氹fans

猪拉多纳

兵力夠可兼顧英聯盃

英超今季立立亂，預期爭標或護級鬥得好激烈，新特蘭季前來港表現唔錯，但喺英超打落完全唔夠班，形勢都幾危急。「黑貓」人腳唔曳，現時排名未能反映真正實力，只要慢慢調整打番應有水準，前景唔算太差，依家最緊要係嚟緊呢段時間搶番啲分，否則下半季都幾難捱。

新特蘭今仗喺英格蘭聯賽盃16強主場對修咸頓，現時受讓平半約有九水，部分莊家開修咸頓讓半球，下盤都八水，撇開所有因素，單睇盤口，「黑貓」受讓係幾抵玩。不過，佢哋今季最重要目標係保住英超席位，盃仔爭唔爭真係好閒，唔慌落力！反觀「聖人」今夏使咗唔少錢，要向球迷有個交代，態度相對正面，計後備兵能力亦較佳，呢場可博上盤！

（周四凌晨3時45分開賽）
多蒙特讓得太辣

同日歐聯，英超一哥阿仙奴作客多蒙特，「兵工廠」上次主場出擊都不敵對手，今次個盤開到好辣，多蒙特初盤要讓半一，上盤有八水，有部分菠菜公司開埋多蒙特讓一球，上盤有超高水。以波論波，兩隊差距真係唔大，呢場多蒙特明顯讓多咗，下盤可以留意。兩班波都有強勁火力，可兼顧埋入球大。