胡森好易搵破悶局

猪拉多纳

　　開季至今，練馬師中只餘下胡森未開齋。既然以往周末跑馬時，胡廐馬常有好表現，今次縱使只派四駒上陣，計落亦有機會打破悶局。

　　第十場三班1400米，「好易搵」是胡廐少數有潛力的質新馬。上季至今十一戰有八次出爭1400米，並分別取得一冠三亞，顯然是路程專家。

　　上季贏同程一役，「好易搵」可以輕鬆彈甩主馬群，已證明實力非凡。及後經過兩仗去適應評分升幅，四月二十八日終再於同程獲亞，當時頭馬為上屆最大進步馬匹「隨心隨意」，「好易搵」僅輸四分三馬位給前駒之餘，兩駒更雙雙彈甩同場對手，可見「好易搵」亦絕不簡單。

　　「好易搵」再出跑同程仍得亞軍，這次則輸給「好主意」，但要留意後駒接着兩戰都入前四名，而當時跑三至五名的馬匹是「豐衣足食」、「驚雷」及「幸運聖」，牠們今季全部有表現，足以反映壓倒牠們的「好易搵」，本身居三班時刻可爭；上仗季內初出熱身一仗後，提防這次會露真面目。