雷丁主場細頂QPR

猪拉多纳

今季雙雙降班到英冠踢嘅「落難兄弟」雷丁同昆士柏流浪（QPR）今晚碰頭，雷丁有主場之利，防守唔錯，QPR作客要入波更難，捧入球細。
昆士柏流浪失指揮官

雷丁上場作客竟然大敗畀弱旅錫周三2比5，但返到主場就唔同講法，雷丁今季主場未輸過波，近五仗主場有四場都開細，當中更有三場係零失球，球隊上下吸取咗上場大敗嘅教訓，預料今仗會穩守為先。

QPR老帥夏利列納戰術一向保守，今仗作客更唔會踢進攻足球，球隊賽前更收到個壞消息，就係中場科連十字韌帶撕裂，今季唔使再預佢，QPR無咗呢位中場指揮官組織攻勢，更難入波，而且上季呢兩隊喺英超兩次碰頭都係開細，今仗一於再追細。