格羅寧根受讓咪落疊

猪拉多纳

今日搵嚟一場荷甲同大家研究，由荷華高斯主場鬥格羅寧根，格羅寧根連盃賽在內近八場僅一敗，並且曾經擊敗燕豪芬、阿爾克馬爾等勁旅，遇上今季主場聯賽僅一勝嘅荷華高斯，有得受讓平半表面上好抵玩，不過有一點要留意，格軍今季表現好嘅賽事、包括上述兩場勝仗都係喺主場取得，如果單計作客聯賽，佢哋自從揭幕戰贏過奈梅亨後，其餘五場只得兩和三負，成績難如人意，信莊家追捧上盤先係上算。

如果有朋友對呢個上盤有保留，建議可向入球大細埋手。格羅寧根今季六場作客聯賽總入球都在四球或以上，就算今場中位數調高至3.5球都冇有怕，捧大啱數。

（周日凌晨2時45分開賽）