希斯基復出 噴射機大爆發

猪拉多纳

大家有冇留意今季澳職似乎少咗星味呢？皆因兩位孭飛球星迪比亞路及希斯基受傷患困擾，其中紐卡素噴射機前鋒希斯基更加係開季四戰都未蒲過頭。不過大家放心，呢位前英格蘭國腳終於擺脫膝傷，今日好大機會復出作客鬥阿德萊德聯。

紐卡素噴射機係缺少希斯基之下，頭三場聯賽都食白果，佢原本打算上仗復出，但最後都係決定押後，希望以最佳狀態同球迷見面。噴射機上季30個聯賽入球，希斯基就佔近三分一，佢對球隊有幾重要可想而知。呢位射手復出意味噴射機係時候「爆發」，同「澳職巴塞」阿德萊德聯鬥攻力，一於捧入球大。

（周六下午2時30分開賽）