孫子奇兵勢如破竹

不死鸟

香港馬圈競爭十分激烈，每個倉口都知道有實力馬在手，最好連勝省靚招牌，才可以令倉口壯大，好似李易達馬房，今季才上陣的「孫子奇兵」雖然連勝兩場谷草千米，但馬房部署仍好有計劃，寧願休息42天，再吼準窄場勝途報名，箭頭更瞄準今次的聖佐治盃，擺明要保持長勝兼奪標。
「孫子奇兵」是今季評52分，插四班的自購馬，首戰跑谷草B欄1000米，排11檔仍能輕易壓倒「投資寶」，上次升三班再爭同程，A欄排九檔，依然在談笑用兵之下，一放絕塵，輕取「祥勝奇駒」，但每贏一次，評磅員就重加10分，贏兩場就加了20分之多，情形似足大摩匹「鳥語花香」。
由於李易達了解「孫子奇兵」可能是新一代谷草千米王，目前72分仍可能是虛分，為了佳駟前途�粝耄�?足精神吼準盃賽再出王牌報名，潘頓更視此馬如珠如寶，近期12日內，親自跳了五課之多，絕不肯假手於人，上周三普通課期，更專程趕入沙田替此駒操練，衝試直路一段，快達廿二秒九仍然紋風不動，睇到看台?達哥咪咪嘴笑，目前進度之佳，看來三捷無難度。

駿飛翔B欄出色

唔講你唔知，安哥匹「駿飛翔」擅跑快活谷，但卻是B欄才出色，迄今在此欄位取得一冠一亞，目前離安全線尚有三場冠軍，所以部署必然好小心，此匹當起四歲馬，更是馬房爭取成績的重要棋子。所以本月18日打開勝門後，雖然只加六分，幕後卻偷笑，因此復課後備戰一直交副練與韋達，上周四是日馬排位日子，動用副練冒雨在河畔跑道試800米，完全?合安?馬出擊前的準備工夫，講狀態真是比贏馬時更靚，回升三班減了八磅是百利而無一害，馬房手足話有信心揸?攤。