龍之欣開竅連捷

猪拉多纳

　　今季谷草賽事好似華倉馬比較惡，相信這次都不會例外，投X時宜加留意。第一口孖T頭關第三場五班1650米，呂健威派「龍之欣」上陣。這匹馬對上兩季表現欠佳，最叻就是在五班1650米跑第四，但仍輸三個多馬位給頭馬「彪形好漢」。誰知來到今季，馬兒轉六歲後，無論能力及賠率都有重大變化。

　　上仗呂健威安排「龍之欣」在谷草1650米作季內初出，其獨贏賠率隔晚已經熱，開跑時更成為大熱門，在下當時仍心存疑惑：「點解呢匹馬會咁多飛？」結果賽事完結就知道答案，事關「龍之欣」竟可於快步速下跟前走，輕鬆贏甩亞軍「添多福」個多馬位，完全是脫胎換骨。雖然「龍之欣」賽後被評磅員加了8分，但以其上仗表現推斷，這匹馬可能現在才開竅，留在五班可連捷。

　　尾關第四場四班1650米，「蓋世子牙」今季四戰得一殿，但由於牠季內的一席殿軍正是在谷草1650米取得，而今次落班又出王牌報名兼配莫雷拉，戰意鮮明要信。