奧咸復仇打諾水狗

猪拉多纳

英錦標16強

今晚屬英錦標16強賽事天下，咁多不明物體出場唔知點揀好？因此阿King特登為大家揀咗場全英甲對碰奧咸主場迎戰諾士郡，前者不但實力勝一籌，諾士郡近六戰輸咗五場，狀態曳到冇朋友，奧咸復仇仲唔趁機打落水狗咩？主勝有1.75倍值得捧場。

（周三凌晨3時45分開賽）

同屬英甲分子，但諾士郡近況曳到無倫，唔單止近六仗輸五場，呢支黑白軍作客例必腳軟，之前八仗客戰竟然有七場落敗，啱啱仲喺英足盃出局，聯賽又淪為包尾大幡，邊有餘力分心喺英錦標呢？相反奧咸剛於英足盃賽和同級勁旅狼隊，博得重賽機會，士氣大振，食住個勢梗係想斬多四両，加上早前曾喺聯賽作客輸過畀諾士郡，乘住黑白軍陷於低潮，有地利嘅奧咸誓要報番一箭之仇，主勝乃不二之選。
哈特普爾受讓嗒得「洛」

至於乙組仔哈特普爾連場報捷，包括上周六喺英足盃淘汰啱啱提過嘅諾士郡，信心爆棚，今晚於主場再次越級挑戰近況飄忽嘅甲組隊洛達咸，有得受讓非常抵玩。最後英甲七哥史雲頓喺自己地頭出戰乙組嘅韋甘比，實力強弱懸殊，前者挾近五主場贏四仗餘威，要贏韋甘比可謂依絲執。