盈威勇士反彈可「期」

猪拉多纳

　　老蔡近期攻勢持續，適逢今晚惡馬連場，預期將成眾人焦點；另外，小方與告仔上周三皆贏馬起孖，谷戰成績亮麗撩人，投X人看風駛，這兩倉之馬也必備受追捧。

　　傳統四大馬房當中，谷草向是摩廐馬弱項，多年來大摩專注高獎金賽事，田、谷頭馬比例嚴重失衡，單講今季成績，此倉累積八場頭馬，分布為七田一泥，谷戰暫時捧蛋，位置也僅得一場。由於劣績當前，形成摩廐的谷草戰馬漸為人懼怕，今晚他派遣三駒上陣，隻隻有極佳分頭，會否一改沉默作風？小心他隨時來個突襲。

　　第八場「盈威勇士」的性能無疑以泥地佔優，然而谷草也曾交出佳績，跑1650米更勝出頭馬，可見腳法不拘一格。上仗牠高速搶前，頭三段快達1分14秒56，走勢恍如斷線紙鳶，直路力弱理所當然，如此亡命狂奔，跑法極度惹人遐想，是為了今仗轉戰谷草鋪路嗎？觀乎大摩找來5磅仔吳嘉晉效力，想法不似一廂情願，成冷吼得過。

　　至於第七場「花月佳期」，今季兩戰愈輸愈遠，驟眼睇牠的狀態一沉不振，不過再留心睇睇，牠近仗俱跑級際賽，而且對手全是惡老虎，今次連跌幾級角逐二班，而且是水準較低的谷草賽事，由蟲變龍不足為奇。(賭博士)