葡法信唔過 捧希臘更實際

猪拉多纳

歐洲區附加賽今夜正式開打，名牌球隊葡萄牙同法國繼續備受追捧，呢一刻確係好難想像世界盃冇咗葡萄牙巨星C朗會點，但呢班波喺好多行家心目中都係名大於實，打真軍未必夠瑞典嚟，讓半一絕對靠唔住！至於法國質素雖在烏克蘭之上，但客場讓波亦過咗火位，唔好睇得佢哋太高。
主場誓斬羅馬尼亞

講番今次重心推介係希臘主場對羅馬尼亞，捧主隊！希臘踢法無疑幾悶蛋，但勝在實而不華，硬橋硬馬，呢類球隊特別擅長打大波，主場係佢哋最大搶分本錢，一定會做好部署傾力爭勝。羅馬尼亞終於有起色，但仍未回復全盛時期水平，今場受讓平半至半球冇乜優勢，呢場秤先希臘！

（周六凌晨3時45分開賽）