阿積士青年隊 浮躁畀鹿撞

猪拉多纳

今晚荷乙阿積士青年隊主場挑戰二哥鹿特丹斯巴達，阿軍係就係夠Young，但有時踢波好講經驗，特別係逆境嗰陣點自處，呢班生牯仔仲要交學費，唔經唔覺佢哋已經連輸七場，畀人打到謝晒，連道氣都洩埋點翻身呀？鹿特丹斯巴達今季目標係升班，以禾斯金為首嘅鋒線，火力堅係勁，上仗鬥榜首多德勒支，落後三球下都追番兩粒，輸人唔輸陣，今仗適逢心浮氣躁嘅阿積士青年隊，絕對係反彈良機，客W有1.62倍咪嫌少。

（周日晚7時30分開賽）