森多新帥效應博反彈

猪拉多纳

曼聯今季長期被莊家睇死，評級顯著比起費格遜時代低一截，不過，其實呢班波近期表現已大有好轉，似有重上正軌之勢，預期未來呢段時間會係上升期，可以繼續跟進，今次作客對住次級球隊卡迪夫城讓一球，個盤都算合理，大有坐和望贏之力，上盤可以留意。

講番今日重心場次，意甲球隊森多利亞搵到新教頭領軍，預期可以止跌，主場對拉素受讓有利，下盤博得過！森多向來都係意甲中游分子，今季開得唔順，現時處於下游位置，但查實隊波本身唔曳，依家有新帥米赫洛域領軍，好有機會反彈，信賴新帥效應，博下盤。

（TVB 302周日晚10時直播）
拖連奴辣盤畀晒貼士

同日另一場意甲賽事拖連奴主場對卡坦尼亞，拖連奴近八戰不勝，但今場竟然要讓半一，個盤真係好辣，何解操盤手咁有信心？皆因卡坦尼亞屬典型主強客弱型球隊，開季至今作客全敗，真係有如黃大仙咁周圍派分，今次作客拖連奴預計又要送分，個盤辣得有道理，上盤有計。

（周日晚10時開賽）