費倫添食衝三甲

猪拉多纳

烏甸單薄遇強冇計

意甲烏甸尼斯主場對費倫天拿，烏甸尼斯兵微將寡攻力疲弱，近期狀態亦跌到谷底，面對前列分子費倫天拿明處下風，Ali相信作客嘅「紫百合」費倫天拿力足坐和望贏，平手盤撐客軍。

（周日晚10時開賽）

烏甸尼斯今季演出令人失望，主要原因係陣容太單薄，教練古度連只能採用主守戰術，中場球員質素庸劣，完全欠缺創造性，所以被迫要經常大腳長傳畀前線路爾斯梅利爾同36歲老中鋒迪拿達利衝鋒，最慘係傳奇前鋒迪拿達利近況都曳，搞到破關乏術。

古度連手上根本冇Plan B可以用，因為中前場後備質素太差，好似拿尼治、尼高拉斯盧比斯之流，根本幫唔到手，球隊至今踢咗12場聯賽只入11球，僅優於降班膽卡坦尼亞同基爾禾，佢哋近5場聯賽有4場交白券，尤其上輪對尾二嘅卡坦尼亞都輸，而且全場無甚攻勢，真係睇到捧場客眼冤。
蒙帥齊牌「鬥地主」

相反費倫天拿走勢強勁，近5場聯賽贏咗4場，包括主場贏祖雲達斯同作客擊敗AC米蘭，唯一敗仗係主場對拿玻里，但嗰場波擺明畀球證誤判老屈，輸得好唔抵，Ali深信佢哋有實力挑戰聯賽榜前三位置，上輪要對搏晒老命護級嘅森多利亞，最終都憑住基奧斯比羅斯梅開二度收拾對手。

而且費倫係國際賽休戰期嘅得益者，箭頭基奧斯比羅斯喺意大利兩場熱身賽加埋只係踢咗五十幾分鐘，中場大衞比沙路同德國箭頭馬里奧高美斯都及時傷愈，前者可以復任正選做指揮官，後者狀態未足但起碼可以出任後備，教練蒙迪拿手上冇重要傷兵，可以排強陣繼續向前三名位置進發。
Ali 推介：

費倫天拿平手盤 3★

拖連奴上盤 3★

博洛尼亞大 3★