岡薩多搶Ｗ升班有價講

猪拉多纳

日乙今日煞科，聯賽冠軍、直接升班資格及榜末形勢已大定，焦點落在升班附加賽席位之爭。札幌岡薩多現時雖然排第七，但由於排第四位嘅長崎成功丸同時間要硬撼第六位嘅德島漩渦，札幌岡薩多主場只需擊敗冇嘢好爭嘅北九州向日葵，便好大機會後來追上打入前六，札幌岡薩多主W係今日重心之選。

（周日上午11時30分開賽）

大阪飛腳、神戶勝利船穩奪頭兩名直接升班，第三位嘅京都不死鳥亦穩佔一席附加賽資格，其餘三個席位會由排第四嘅長崎成功丸至第八位嘅松本山雅五隊去爭奪。長崎成功丸現時得六十六分，領先札幌岡薩多及松本山雅三分，長崎成功丸今場要對排第六、積六十四分嘅德島漩渦，由於長崎成功丸得失球差不及札幌岡薩多，換言之只要札幌岡薩多全取三分，除非緊隨其後嘅松本山雅可以十球或以上大炒FC愛媛，否則札幌岡薩多肯定可以趕過長崎成功丸或德島漩渦其中一隊打入前六。
向日葵風流波冇戰意

札幌岡薩多近三場主場聯賽全勝，對手包括神戶勝利船、千葉市原等前列勁旅，表現極具說服力。北九州向日葵上周擊敗鳥取飛翔向主場球迷謝幕已經完成任務，今場戰意唔高，簡單捧札幌岡薩多主W勝在穩陣。
日乙推介

札幌岡薩多 讓球勝

神戶勝利船 讓球勝

長崎成功丸 細