貝迪斯明醒里

猪拉多纳

孤注一擲勁有Heart

講到西甲球隊，I組嘅貝迪斯就會作客法國褪色勁旅里昂，「綠白軍」啱啱喺打吡戰大敗畀西維爾，同少打一人不無關係，況且佢哋今屆為咗歐霸，搞到喺聯賽淪為包尾，近兩個月嘅兩場勝仗全部來自歐戰對甘馬雷斯，依家去到出線關頭冇理由唔搏命啫？雖然里昂有復甦迹象，但於歐霸經常派出副選上陣，就算有地利都讓唔起戰意旺盛嘅貝迪斯，讓球客勝捧得過。

（有線61及201周五凌晨2時直播）
史雲斯再啅華倫西亞

至於另一支西甲球隊華倫西亞喺A組作客英超嘅史雲斯，「蝙蝠兵團」冇因為之前嘅國際賽期調整而有所起色，主帥杜傑一直唔肯重用域陀雷斯，硬係要馬菲奧客串中堅，令後防不穩問題愈來愈嚴重，撞啱史雲斯殺手韋菲特邦尼腳風勁順，佢喺近3場賽事入咗3球，今次實搞到華倫防線有得震冇得瞓，既然「天鵝」首回合作客蝙蝠洞都大勝三粒，今返主場有力再贏，1.95倍主W咪錯過。

（有線61及201周五凌晨4時05分直播）