緬恩斯回勇消滅「病蜂」

猪拉多纳

正所謂「愈窮愈見鬼」，近期要踢連場硬仗嘅多蒙特爆發傷兵潮，情況仲愈嚟愈惡劣，成條防線面目全非，周中先至喺歐聯同拿玻里踢完「背水一戰」，今晚返嚟德甲又要作客近況大勇嘅緬恩斯，睇怕班「蜜蜂仔」都無乜力氣再搏喇。好！今場一於扒冷博緬恩斯4.75倍W！

（有線64及203周六晚10:30直播）
多蒙特中後場半打傷兵

多蒙特喺德甲同歐聯兩條戰線都好緊張，偏偏呢個時候幾個主力接連受傷，繼蘇保迪、曉姆斯、舒姆沙、根度簡同文奴費特列治後，周中歐聯又有防守中場施雲賓達爆鼻骨，今場都唔知出唔出得！雖然佢哋喺歐聯憑住上下一心撼低咗拿玻里，叫做暫時逃出生天，問題係中後場有半打傷兵，教頭高普根本無兵可調，焗住惟有叫成班「客串後防」繼續頂硬上啦，但長遠咁落去，情況唔多樂觀囉！

反觀有主場之利嘅緬恩斯就愈戰愈勇，經歷咗差唔多兩個月嘅7場不勝劣勢後，近4場聯賽竟然贏咗3場！日本射手岡崎慎司嘅爆發絕對係主要原因之一，佢喺呢4場聯賽入面入咗4球，加埋前鋒拍檔祖普莫亭腳風轉順，絕對可以話轉緊大運！阿占估計，緬恩斯今場肯定會趁「蜜蜂」病攞佢命，主場隨時贏埋袋晒3分都唔出奇！
頂占筍盤：緬恩斯（主勝 ）