開心駕到唞夠搏殺

猪拉多纳

　　憑蘇偉賢馬房剛周三又有「高耀之寶」臨場落飛贏馬，經已確定這個馬房的落飛馬現時相當硬淨。姑勿論落飛者是計數派或線路收風派，最重要是信得過。

　　轉眼間，蘇偉賢已贏了十二場頭馬，相比同樣在今季開始從練的容天鵬，似乎更勝一籌。當然，跑馬並非只靠實力，手風順唔順，也是十分重要的因素，幸好如今容廐亦於剛周三起孖兼捧盃，算是轉運了，寄望在一切重拾正軌下，頭馬可陸續有來。第七場「光輝之星」今季由容天鵬新接手後，演出相當穩定，連仗未能贏馬只因受困受阻，但能力卻得到驗證，今番用到硬淨騎師安國倫，到底有幾多料，今鋪自會清楚。

　　但是，我始終對出爭第六場的賢廐馬「開心駕到」有較大信心，牠亦是安國倫的坐騎之一。此駒轉投到蘇偉賢馬房後，今季演出脫胎換骨，上仗五班升四班縱使未能打叠贏，唯與泥地特佳之馬「齊喝采」雙雙拋甩群駒串Q，僅於終點前被擒獲亞，再贏乃遲早的事。今番回氣始上征途，狀態肯定比之前更佳，難得有埋一檔優勢，若早段能咬緊好位，隨時贏得。(馬會賽事 首席評述員)