第九場ys鴛鴦Q

猪拉多纳

　　今日第九場二班1200米泥地。近況最吸引有兩駒，先談「左右逢源」，自10月16日因傷退出，相隔5日重新做準備，首兩周全是慢踱，踏入11月工夫全面升級，月中遣往谷草試大閘，前中段走在最前，跑至直路柏寶稍騎即快步加速，愈衝愈勁先到終點，餘勢甚強。

　　「左右逢源」及後安排拍跳，首兩段時間慢，跑到尾段認真考驗，在外檔走來起勁，一直維持勁勢至過終點。以近試表現和工夫的積極度，腳傷陰影早已消散，狀態亦被操起，論觀感比起上次猶有過之，可算因禍得福。

　　同場另1匹勇馬「綠色寶」，上場1400米大敗合理，路程既非所長，賽前工夫懶懶閒，根本無心戀戰，但敗後隔3日已經復課，與上賽唞7日才復工顯然是兩種操練態度。

　　此外，「綠色寶」埋門與同是泥地好手的廐友「銀子彈」拍跳，高低立見，全程拍跳步步爭先，步頭勁、火氣旺、氣勢強盛，若非助手緊緊扣實必可拋開對手。上述兩匹弗馬的泥地短途實力高，跑法不會　執輸，不妨捧Q及QP。(韋柏)