邦迪比達冇優細

猪拉多纳

首回合鬥拉魯斯失地利

南球盃周四早上舉行決賽首回合，巴西邦迪比達主場鬥阿根廷拉魯斯。邦迪比達於巴甲已經篤定降班，南球盃係佢哋今季最後一個目標，不過遇着近況大勇嘅拉魯斯想贏唔容易，預計大家首回合都會踢得較謹慎，阿King推介入球細。

（周四早上7時50分開賽、馬會網上文字直播）

巴甲邦迪比達首回合名義上有主場之利，不過今場其實係移師至聖保羅帕卡恩布球場舉行。邦迪比達對上三圈淘汰賽都唔喺呢個球場踢，要時間適應。拉魯斯連盃賽在內已經保持11場不敗，但今場始終係首回合賽事，估計客軍都唔會急進，除捧細盤外，半場和亦值得留意。

另外兩場心水，意大利盃16強基爾禾主場鬥里賈納，基爾禾聯賽兩連勝兼冇失波，狀態正在冒升。里賈納降班後愈踢愈曳，依家排聯賽21位，意乙都未踢得掂，今次越級挑戰凶多吉少。
雷恩傷主力益晒聖伊天

最後法甲直播雷恩主場鬥聖伊天，雷恩主力阿歷辛迪尼因傷缺陣，創造力大減。聖伊天聯賽兩連勝兼冇失波，而且對上五次對賽未輸過畀雷恩，平手盤值博。

（TVB 301周四凌晨2時直播）