里昂莫財「圖盧」無功

猪拉多纳

畀PSG炒完士氣插谷底

法甲名牌球隊里昂欠債纍纍，淪落到要賣球星籌錢填債，搞到兵微將寡，折墮非常，佢哋上周對住超級勁旅巴黎聖日耳門一敗塗地，士氣直插谷底，今次返主場對圖盧茲都係冇乜着數，讓到半一太多喇，一於捧下盤啦！

（TVB 301周五凌晨4時直播）

里昂曾幾何時雄霸法國球壇，出到歐聯都唔失禮人，但佢哋家陣財政狀況勁差，要賣走多位主將填氹，依家只係法甲中游分子。近日盛傳里昂王牌前鋒巴菲迪比高美斯成為多間大球會目標，球會主席歐拿斯直認如果價錢啱就會放人，班球員軍心嚴重不穩，試問邊有心情踢吖！圖盧茲上場大勝索察，主將賓耶達連中三元弗到爆，乘勇再戰可幫球隊搶分。
森多維羅納愛鬥「大」

意大利盃第四圈賽事森多利亞主場對維羅納，森多改由名將米赫洛域領軍後已漸有起色，對上兩場挑戰實力分子拉素同國際米蘭都唔使輸。維羅納剛同費倫天拿合演入球騷，匆匆再戰實會同森多再鬥攻，預期入波多，博大！英足盃第一圈重賽英非球隊基斯赫德主場對英乙牛津聯，主隊嚟自第五級別賽事，只低過對手一級，佢哋上次作客牛津聯打得好，返主場受讓有利，要讓球主勝！

猪拉多纳