神山當銳可偷襲

猪拉多纳

　　今期為國際賽日，十場賽事好馬雲集，馬迷可以一飽眼福了。然而，這類大賽日通常好睇唔好賭，小心為妙。

　　第一口孖T頭關第三場三班1800米，告東尼派「公平競技」及「幸運勝利」雙龍出海，當中前駒是馬房第一選擇，明顯是馬房主力。此駒其實由上季尾開始已不時有走勢，直至上仗，終於在谷草2200米打開勝門。

　　或者大家會覺得該役「公平競技」於慢步速下跟前獲冠，唔算太勁，但一如在下之前在專欄中所言，今季谷草C欄跑道相當怪，縱使賽事步速偏慢，亦對內叠後上馬較有利，該役「公平競技」選擇跟前且全程走二三叠，其實蝕了場地偏差，但牠仍可獲勝，足證馬兒今季有進步，這次轉來田草1800米強配蘇銘倫，可以再贏一仗。

　　尾關第四場國際一級賽2400米香港瓶，「神山」上仗休近三個月復出，仍然可於墨爾本盃走入三甲，說明近況出色，熱身後轉戰香港瓶有力偷襲。

　 （大茶飯 洋超）