慕遜加柏三叉戟「克」敵

猪拉多纳

要數德甲今季最令人驚喜嘅球隊，慕遜加柏真係當之無愧，有邊個會諗到喺聯賽榜數完拜仁慕尼黑、利華古遜、多蒙特之後，就可以數到佢哋至得o架！慕遜加柏依家排聯賽第四，今晚將會憑住聯賽五連勝嘅氣勢，迎戰想取代佢哋殺返入前四嘅史浩克04。主隊一來要保住聯賽位置，二來又要唔好畀個贏波旺勢斷纜，肯定會集中火力務求擊退對手。

（有線64及203周六晚10:30直播）

慕遜加柏今季表現咁好，拉菲爾基達奴、麥斯古斯同艾蘭高呢個進攻「三叉戟」好大功勞，佢哋三個今季為止一共貢獻咗18個入波，係咪好勁呢？唔好忘記，慕遜加柏今季主場聯賽7戰全勝，狀態同信心都爆晒燈，要贏殘陣嘅史浩克04應該唔難。慕遜加柏讓1球，3.65倍「讓球主勝」值得支持！
史浩克04有歐聯後顧之憂

史浩克04飽受傷兵困擾，主力好似前鋒亨特拉爾等重未出得，最慘係球隊重要為下周歐聯對巴素利嘅生死戰分心，想班球員今場集中到精神都幾難。何況客軍日前喺德國盃被淘汰出局，士氣可以話跌到落谷底，今晚造訪慕遜加柏都係凶多吉少喇！
頂占筍盤：慕遜加柏（讓球主勝）