巴斯蒂亞主場食硬里

猪拉多纳

今季法甲原本以為係巴黎聖日耳門、摩納哥兩大豪門之爭，估唔到上季未能取得歐洲賽資格嘅里爾來個大翻身，造成現時三強鼎立局面！

由於聖日耳門同摩納哥近年不斷高價買入多名大牌球星，令法甲矚目及受歡迎程度與日俱增，整體投X額亦見持續增長。今晚法甲有場巴斯蒂亞主場鬥里昂，里昂近年因為財政問題愈搞愈縮水，無論球會規模、成績及表現都同巔峰時期冇得比。巴斯蒂亞上季新升班已經成功保住甲組席位，今季愈踢愈有信心，連盃賽今季八次主場出擊取得七勝一和不敗佳績，今場莊家開平手盤只因大家仍然眷戀里昂嘅名牌，實際上呢班波早已今非昔比，平手盤捧主隊啱數。

（TVB 301周一凌晨零時直播）
維羅納搶Ｗ翻身

英超重頭戲阿仙奴對愛華頓，愛華頓上場殺敗曼聯唔係靠符碌，呢隊波踢法實際，今次鬥另一爭標熱門阿仙奴絕對有得打，受讓半一捧下盤。另外意甲維羅納主場鬥阿特蘭大，維羅納嘅主場不敗金身雖已被打破，不過對手阿特蘭大今季七場作客輸六場，維羅納有望打場翻身仗，小讓平半捧上盤。

（周日晚10時開賽）