華斯高弗爆 受讓帕板

猪拉多纳

另一支護級隊伍華斯高將要作客力保自由盃資格嘅帕拉尼恩斯。華斯高近三場聯賽一口氣搶咗七分，士氣、信心爆晒燈，相反帕拉尼恩斯失落巴西盃後散散地，就算有主場之利都讓唔起對手，主隊讓平半捧華斯高。

（周一凌晨3時開賽）
帕拉尼恩斯散散地

帕拉尼恩斯現時聯賽排第三，領先第五位嘅保地花高三分，仍未肯定獲得自由盃參賽資格，理論上今場仲要搏，不過佢哋早前於巴西盃決賽不敵法林明高屈居亞軍，上周聯賽面對中游分子山度士又輸波，心態上似乎受到一定影響，想全取三分恐怕有心無力。華斯高走勢卻啱啱相反，近三場聯賽兩勝一和，護級露出一線曙光。雖然佢哋今場就算贏波仲要睇人面色先知能否護級成功，但係論決心絕對唔需要懷疑，有得受讓平半好着數，下盤乃不二之選。