摩納哥主場出擊踩多腳

猪拉多纳

阿些斯奧10場不勝

巴黎聖日耳門（PSG）周中敗走伊維恩，益咗3連勝嘅摩納哥成功收窄積分差距，未打今輪聯賽只係落後PSG 2分。個勢咁好，摩納哥梗係食住上！聽朝佢哋主場迎戰頹爆嘅阿些斯奧，有力大數一場，撐1.49倍「讓主」。

（TVB302周一凌晨4:00直播）
法卡奧未踢得

摩納哥今夏豪使過億歐元引入射手法卡奧、中場摩天奴等好手。莫講話要參加下屆歐聯，就算攞埋聯賽冠軍都唔出奇。雖然前鋒法卡奧續抖，但仲有連續2仗建功嘅翼鋒占士洛迪古斯衝鋒陷陣，拍住打破入球荒嘅次席射手利維亞尼搵食，要大數連續10場不勝嘅阿些斯奧有幾難。

飽受傷患困擾嘅阿些斯奧上仗幾經辛苦先逼和巴斯蒂亞1:1，前鋒梅度、守將托路斯等7件唔踢得，實力大打折扣。睇番佢哋今季對住其他前列分子好似馬賽、里爾都輸至少2球，相信今仗都唔會例外。