奧林比亞高斯戰意信德過

猪拉多纳

英國球壇假波醜聞愈演愈烈，繼低組別球隊涉打假波之後，連英超球員都捲入紅黃牌造假事件。外國菠菜公司受注買每場紅黃牌數目，都好受歡迎，自然有造假誘因，甚至較高級別賽事嘅球員亦參與其中。一來報酬吸引，二來故意攞牌，比操控賽果容易，亦較難被察覺，似乎風險較低，敢於鋌而走險。作為投X者，為咗保障個人利益，對呢個項目，避之則吉。

今晚歐聯賽事，向要搶分嘅球隊埋手，戰意有保證，其中C組奧林比亞高斯今輪主場只要擊敗安德列治，就可以出線，目標好清晰，呢支希臘球隊一路表現唔錯，兩場敗仗，只係輸畀小組中超班嘅巴黎聖日耳門，之前作客安德列治都大勝3比0，來到今仗關鍵一戰，肯定更搏命。安德列治篤定包尾出局，陪太子讀書，大敗唔奇。普遍莊家開緊奧林比亞高斯讓球半，照要上盤。

（周三凌晨3時45分開賽）
加拉受讓有買趁「祖」

A組曼聯已經出線，加上球隊近況好曳，主場都兩連敗，今仗仲要讓薩克達平半，似受名牌效應高估。薩克達贏波即晉級，呢支烏克蘭勁旅踢法機動、有效率，唔好話受讓要下盤，甚至有機會贏波。另外，B組祖雲達斯和波都出線，作客讓土耳其球隊加拉塔沙雷半一，捧主隊下盤。