家家寶如釋重負

不死鸟

今日沙田編有十場賽事，在Ａ跑道舉行，重頭戲係女皇盃及冠軍一哩賽，神奇小子蘇銘倫及天之驕子戴圖理，再度重臨香港策馬上陣，喜愛欣賞此兩位騎功的馬友，又可一睹其陣上騎技表現，而今日由高班馬擔綱，好戲連場兼又有愛彼錶襟章送贈給入沙田馬場人仕，又有精彩豐富節目編排表演，有空的馬友值得入場觀戰。

大家開心升班照贏

第五場三班1200米。「大家開心」上場為其在港首戰，出戰田草1200米，以輕鬆姿態掄元，觀其該仗牠狀態頂多得八成，身型亦見略肥，但可如斯輕鬆贏馬，擺明持質凌人，大把分在手，難怪賽後受評磅員器重，重手加其九分之多，而牠經過一場實戰後，粗身大馬肥態盡減收身上力，連課快跳走來勁力十足可印證，三歲仔勇熟並進，一經開竅必可扶搖直上，上仗在四班負126磅輕鬆取勝，今次升上三班只負114磅，?少12磅威力更強，馬偉昌做唔到磅，轉用普萊西威力無損，實力高強今次再跑回勝途連捷可期。
第十場二班1600米。「家家寶」季內上陣六次，取得兩冠一亞一季一第四一第八，六戰當中五次有獎金，顯見其演出準繩，此駒擁有高質及實力強毋庸置疑，睇回前仗輕鬆贏「駿馬精英」，上仗?住133重磅，只以頸位之微不敵同樣實力強勁?「競駿精英」得第二，而該場跑第二竟被加四分，受評磅員器重，由此可反映其實力高強，而拚完上場後，態況依然勇銳，練者眼見此駒狀態保持勇境，當然不會錯過此良機，再安排上陣，今次升上二班上陣，對此匹實力強勁馬無礙進取，更有利條件係?少十八磅如釋重負力足補中一雪前恥。今日為大賽日，其前師傅練馬師大衛希斯帶領「利可來」來港參戰女皇盃，李易達當希望能贏馬在師傅面前威威，「大家開心」及「家家寶」呢兩匹精英分子，今戰贏面極高，大可與師傅大衛希斯一齊影頭馬相，真正馬如其名「大家開心」。