明尼路-1拉唔住

猪拉多纳

細哨搣甩夜蒲復出搏殺

世冠盃上演另一場4強戰，東道主摩洛哥球隊拉查體育會迎擊巴西勁旅明尼路，拉體會連過兩關入到準決賽，已經有晒交代，球員經歷緊密賽程折騰，尤其係上仗同蒙特雷激戰120分，恐怕回唔切氣。明尼路球星朗拿甸奴勤加操練，成功趕及復出參賽，鬥志一流，亦激發隊友士氣，勢必強攻對手壯行色，為爭標打響頭炮，直取1.89倍讓球客勝。

（廣東體育周四凌晨3時30分直播）

一提起南美自由盃盟主明尼路，必定要講朗拿甸奴，「細哨」9月尾受重傷，一度傳佢未能參加世冠盃。不過呢位前世界足球先生唔認命，不惜戒夜生活，晨操晚練，提早上周巴甲煞科復出兼梅開二度，狀態弗爆，證明佢參賽決心極強。「細哨」自編自導自演嘅勵志故事，對隊友亦有好大鼓勵作用，除咗為冠軍榮譽，更加要為呢位「大佬」而戰，首仗出戰冇甩拖。

事實上，明尼路鋒線仲有祖奧、阿歷辛度、迪亞高泰達利，加上前阿仙奴中場基拔圖施華，中前場猛將如雲，以球隊近三仗轟入八球嘅火力，就算作客都好，又點會赦拉查體育會呢？
拉查體育會未回氣

拉查體育會首次殺入世冠盃4強，成績比預期好，但晉級過程其實贏得好抆水。首仗戰至補時，先至險勝新西蘭球隊奧克蘭，上仗更加踢到加時，先至淘汰墨西哥球隊蒙特雷。球隊兵源有限，再加上經過連場搏殺，體力消耗極大，來到第三關隨時腳仔軟，想贏都有心無力。一旦被明尼路攻破大門，連心理都崩塌埋，好可能兵敗如山倒，一於捧讓球客勝。