蒙特雷攞尾彩搶Ｗ醒里

猪拉多纳

兩支無緣世冠盃四強嘅艾阿里同蒙特雷將喺名次賽爭第五名「豬肉獎」，非洲班霸艾阿里現正飽受內憂外患困擾，內憂係球隊今仗有多名主力非傷則停，外患係近期埃及政局動盪，備戰工作受影響，再加上對手蒙特雷實力較高，艾阿里今仗都係凶多吉少，科娜捧蒙特雷勝。

（廣東體育周四凌晨零時30分直播）
艾阿里傷停困擾

眾所周知埃及近年內亂持續，當地聯賽因而試過全面暫停，喺咁嘅亂勢下，球會運作不但受阻，球員亦冇心機踢波。艾阿里陣容以國內球員為骨幹，球會深受政局不穩所影響，射手薩拿已經因為政治因素而被內部停賽，再加上陣中傷情嚴重，孭飛前鋒阿布捷卡喺上場不敵FC廣州一仗半傷已傷出，今仗肯定無法上陣，仲有一對正選左右閘亦因傷避戰，令艾阿里整體實力大為削弱。

墨西哥球隊蒙特雷上場加時不敵東道主球隊拉查體育會，但睇番場波，蒙特雷表現唔曳，全場控制局勢，但正所謂「好波不如好運」，蒙特雷向主隊圍攻不果，反而喺加時失波，搞到今場要踢名次戰。蒙特雷陣中有球員曾喺歐洲搵過食，整體實力上高過對手艾阿里，加上球隊喺上月嘅中北美及加勒比海聯賽冠軍盃輸波出局，代表住下年冇得參加世冠盃，球員喺呢場世冠盃最後一戰自然唔會留手，今場1.92倍客勝可捧。