皇馬副選輸默契半場難贏丙組仔

猪拉多纳

今晚西班牙盃第4圈次回合，皇家馬德里會喺主場迎戰丙組仔奧林比薩維亞。「銀河艦隊」首回合意外同對手踢和0:0，教頭安察洛堤派遣唔少副選落場，預期今場陣容變動唔大，加上加里夫巴利同C朗分別傷停出唔到，「讓主」辣讓3球制唔過，倒不如冷吼5.5倍「半和」。

（now632台周四凌晨4:30直播）
奧林比薩維亞鐵桶陣死守

皇馬喺首回合雖有艾斯高同迪馬利亞擔正，但明顯同艾華路莫拉達及謝斯洛迪古斯等副選默契一般，到肉埋門欠奉。再者相對西盃，聯賽重要性更大，為免被馬體會同巴塞隆拿拉開距離，緊接作客華倫西亞根本不容有失，安帥今場照舊派副選搏殺機會頗大，要大勝對手唔易。

丙組仔奧林比薩維亞名不經傳，不過首回合成功守和皇馬，令士氣達致巔峰，而且連同呢場「經典戰役」，佢哋已經連續9場冇失過波。當然，佢哋要爆冷晉級嘅機會微乎其微，但今場續以「鐵桶陣」招呼皇馬，上半場又好氣好力，絕對有權守和「銀河艦隊」開「半和」。