明尼路超班大炒格

猪拉多纳

細哨復出鬥拉查

今晚世冠盃會上演另一場4強賽事，由南美自由盃盟主明尼路作客面對東道主摩洛哥嘅拉查體育會！論實力，呢間巴甲球會本身高出幾班，更重要係朗拿甸奴已經復操，好有機會趕及披甲，同祖奧等拍住上絕對可以輕鬆贏波，一於直取1.89倍「讓客」啦！

（廣東體育周四凌晨3:30直播）
南美代表傳統戰績醒

想喺世冠盃一睹「細哨」風采嘅球迷有福喇！早前因為肌肉問題要做物理治療嘅朗拿甸奴，尋日已經可以如常操練，證明佢極可能會喺今仗上陣！加上有另外兩位王牌前鋒祖奧同迪亞高泰達利壓陣，佢兩個拍住「細哨」一齊上，又使咩驚冇波入先？仲有呀，最近8屆世冠盃，自由盃冠軍代表喺法定時間內16戰錄得11勝，相信明尼路可以延續呢個「優良傳統」，喺世冠盃發威炒起今仗對手！

東道主攻同守冇瓣掂

拉查體育會呢支摩洛哥球隊近6場只係贏過1次咁大把，當中有3場食白果，並且已經連續5場失波，對住火力強嘅明尼路唔慌有咩好下場，加埋佢哋啱啱易帥冇耐，仍然需要時間適應新戰術。再睇埋佢哋上屆非洲冠軍球會盃早早喺外圍賽出局，實力明顯同其他世冠對手有差距，今場怕且會輸得轟烈喇。
世冠盃賽制

（三）11為4強階段，法定時間內打和將加時30分鐘，未分勝負則互射12碼決勝。（三）2為第5名戰，法定時間內打和，即互射12碼決勝。