赫斯洩氣做些路迪沙包

猪拉多纳

今晚蘇超早場些路迪主場迎戰赫斯，由於今季緣盡所有歐洲賽，冇晒負擔，以「綠白軍」於蘇超嘅超晒班嘅實力，簡直係打遍天下無敵手，雙方早前先喺蘇足盃先交過手，結果些路迪上演大屠殺，作客狂派赫斯七隻光蛋。

事實上赫斯因破產關係被扣15分，依家仍未追番正數，季前星散致實力大減，靠班兄弟捱義氣頂硬上，呢類球隊踢波講道氣，道氣洩咗就會散晒，佢哋近三場輸晒失咗十三粒，睇得出班波冇晒士氣，「綠白軍」隨時再做大騷，「讓球主客和」些路迪讓兩球，直取讓球主勝。

亞視國際台直播