備忘馬：電訊太子

猪拉多纳

　　「財源來」轉跑田草一樣交出追勁獲冠，轉回谷草仲有得贏。「電訊太子」改配莫雷拉即獲亞，大有進步。「太陽辰」衝落唔多，要進步先有得贏。

　　備忘馬：皇龍寶駒

　　「無敵劍俠」換莫雷拉即贏，下次要睇邊個騎。「皇龍寶駒」負重磅排外檔仍可入位，就快贏得。「幸運日」增程走外叠獲季算叻，下次仍要追捧。

　　備忘馬：金瀛

　　「大埔福星」轉回田草贏馬，今季進步不斷，值得跟進。「金瀛」前速甚高，今次能夠捱入第二，轉去谷草有得贏。「威祥」望空後無法交出衝刺，不宜高估。

　　備忘馬：一馬當先

　　「萬事盛」早段積極搶欄慢放獲冠，蔡明紹騎功抵讚。「天笑」初次增至此程，全程被頂出二叠入位算叻。「一馬當先」初出未熟，末段仍爆一段追近有質素。備忘馬：卡通飛飛

　　「辣得醒」升班跟前守好位獲冠，加分後再睇形勢。「卡通飛飛」一度冇位，但望空後仍交出追勁入Q算叻。「南莊多寶」雖慢放獲季，但仍彈甩主馬群要跟進。

　　備忘馬：狄奧圖

　　「足智多謀」配呂卓賢減磅搏殺得手，但慢放下僅贏，加分後不宜高估。「狄奧圖」若非曾塞車，可能有更進步演出。「敏歡騰」全程守好位，但騎落唔多。

　　備忘馬：穿雲箭

　　「贏得」快放下又贏一仗，唔知有幾多在手。「紅駿」莫雷拉力騎亦無法過前駒，暫時勿高估。「穿雲箭」末段追回甚多，轉回泥地要留神。

　　備忘馬：紅簿仔

　　「天時駿駒」轉戴防沙眼罩變身，一放到底，下次仍要留意。「輕彈錢笑」雖然過唔到前駒獲亞，但仍彈甩主馬群，再出可補中。「紅簿仔」末段交出追勁要留意。

　　備忘馬：逸逸友福

　　「誠信寶駒」初戴羊毛面箍，馬兒走規更加成熟，贏得精采。「逸逸友福」落班即交出表現，下次睇吓跑咩班先揀。「家品大王」守好位騎落欠勁勿高估。

　　備忘馬：紅衣巨龍

　　「格哥兒」負輕磅爆出冷W，加分後要再睇形勢。「四季」賺慢步速入位，不宜高估。「紅衣巨龍」全程走外叠卻有前有後，熱身漸足快可勝。